Carita Poe Ieu

 Duka Teu Ngiringan

 

Dina WA grup aya surat undangan rapat. Baca sajorelat. Da puguh keur riweuh. Langsung nulis jawaban, “Mangga Pa”. Maksud supaya katinggali eta surat geus dibaca jeung kuring siap milu rapat.

 

Ret kana waktuna rapat. Alah ningan jam salapan. Ah, gewat we nulis deui chat. “Abdi rada siang sakeudik bade rapat ortu heula”

 Geus kitu mah kuring gura-giru ngalaksanakeun rapat. Malum rapat jeung orang tua, teu bisa ngebut nyampeykeun materi teh. Da sidik kemampuan orang tua teh heterogen pisan. Rapat karek beres jam sapuluh.

 Inget kana waktu rapat anu jam salapan tea. Geus teu nolih deui kana naon-naon. Kantong disolendangkeun, gewat pamit ka guru-guru jeung orang tua anu masih keneh bengong ninggali kalakuan kuring.

 Nepi ka tempat rapat sepi. Kuring reuwas. Boa-boa rapat geus beres. Lamun geus beres tea mah, aduh kumaha kuring nahan ka era ka pimpinan. Ah panasaran kuring nga-WA deui.

“Teu acan aya sasaha gening, Pa.”

“Di mana Ibu?” Ceuk pimpinan kuring.

“Di Gedung PGRI.”

“Naha bade naon di Gedung PGRI?”

“Pan Bade Rapat, sesuai sareng Uleman ti Bapa.”

“Ibu, ayeuna dinten Jum’ah. Rapat mah dinten Saptu.”

“Astaghfirulloh, aduh... Abdi gagal focus.” Ceuk kuring bari nepak tarang. Belengeh seuri sorangan.

“Ha ha ha ..” Jawab pimpinan kuring bari nembongkeun stiker tepuk tangan dua kali jeung stiker anu lumpat.

“Aduh litersi abdi awon.”

“Duka ah, teu ngiringan.”

  

Shardun Tabayun,

Sukasari, 23 Okktober 2020